थारु समूदायमा रौनकता

दाङ लगायत पश्चिम नेपालमा थारु समूदायमा आज ‘अस्टिम्की’ को रौनकता छाएको छ। शनिवार सांझ दर खाएका थारु महिलाहरु आज दिनभर कृष्ण जन्माष्टमीको व्रत बस्छन्। अस्टिम्की उनीहरुले लेहंगा, गुन्युचोली, टिक्ली लगाएर गोपीनीको रुप धारण गर्ने गर्छन्। उनीहरुले आज कृष्णलाई मनपर्ने घुन्यासरको फूल, निम्बु, काक्रो, अम्बा, दही, केराको व्यवस्था गरि कृष्ण जन्मने समयको प्रतिक्षा गरिरहेका छन्।

उनीहरुले कुटानी पिसानी लगायत अस्टिम्की मनाउन चाहिने सामग्रीको किनमेल समेत गरिसकेका छन्। पश्चिम नेपालको दाङ, बांके, बर्दिया, कैलाली, कञ्चनपुरमा रहेका थारु समूदायले छुट्टै प्रकारले कृष्ण जन्माअष्टमी मनाउने परम्परा रहेको छ। कृष्णजन्माअष्टमीको ब्रत बस्नाले रोगव्याधी हट्ने, राम्रो वर प्राप्त हुने थारु समूदायमा विश्वास रहेको छ।